«Մանչեսթեր Յունայթեդի» հարձակվող Ռասմուս Հյոլունդը կարող է տեղափոխվել «Նապոլի»։
Իտալական ակումբը համաձայնության է եկել «կարմիր սատանաների» հետ. 22-ամյա դանիացու վարձակալությունը «պարտենոպեների» համար կարժենա 5 միլիոն եվրո, իսկ գործարքում կլինի նաև 40 միլիոն եվրոյով գնման հնարավորություն, հայտնում է Նիկոլո Շիրան։
Այժմ ամեն ինչ կախված է հենց խաղացողից. տրանսֆերը կիրականացվի, եթե նա համաձայնվի նեապոլիտանականների հետ։ Ռասմուս Հյոլունդը վերջնականապես կորցրել է իր տեղը «Մանչեսթեր Յունայթեդի» կազմում, այն բանից հետո, երբ ակումբին միացավ Բենջամին Շեշկոն։ Ավելի վաղ մանկունիանցիների դանիացի հարձակվողի նկատմամբ հետաքրքրություն էր ցուցաբերել Սերիա Ա-ի մեկ այլ ներկայացուցիչ՝ «Միլանը»։
