«Բարսելոնայի» դարպասապահ Ինյակի Պենյան մոտ է ակումբից հեռանալուն։ Վերջերս տեղեկություններ հայտնվեցին իտալական «Կոմոյի» կողմից խաղացողի նկատմամբ հետաքրքրության մասին, սակայն այս պահին 26-ամյա իսպանացու համար պայքարում առաջատարը «Էլչեն» է։ Այս մասին հայտնում են Իսպանիայի տարբեր աղբյուրներ։

Եթե ամեն ինչ ըստ ծրագրի ընթանա, դարպասապահը կերկարաձգի պայմանագիրը «Բլաուգրանայի» հետ մինչև 2029 թվականը, որից հետո կմիանա Լա Լիգայի նորեկի շարքերին։

Ինյակի Պենյայի արժեքը հայտնի Transfermarkt կայքի փորձագետները գնահատում են 8 միլիոն եվրո։ Դարպասապահի ներկայիս պայմանագիրը կատալոնական հսկայի հետ լրանում է հաջորդ ամռանը։ «Էլչեն» առաջին փուլի խաղում ոչ-ոքի խաղաց «Բետիսի» հետ (1:1)։