Իտալացի լրագրող Ալֆրեդո Պեդուլյայի տեղեկացմամբ՝ «Ֆիորենտինայի» հարձակվող Լուկաս Բելտրանի հնարավոր տեղափոխությունը ԲԿՄԱ կարող է որոշվել օգոստոսի 28–29-ին։ Ավելի վաղ հաղորդվել էր, որ մոսկովյան ակումբը պատրաստ է վճարել 12 միլիոն եվրո, սակայն «մանուշակները» ցանկանում են ստանալ առնվազն 15 միլիոն, մինչդեռ ֆուտբոլիստի շուկայական արժեքը գնահատվում է շուրջ 18 միլիոն եվրո։
Պեդուլյայի խոսքով՝ «Ֆլամենգոն» այլևս հետաքրքրված չէ, իսկ ԲԿՄԱ-ն դարձել է հիմնական թեկնածուն Ռուսաստանի Պրեմիեր լիգայի թիմերի շարքում։ Միաժամանակ, Բելտրանի նկատմամբ հետաքրքրություն են ցուցաբերել նաև «Զենիթը» և Մոսկվայի «Սպարտակը», բայց հենց ԲԿՄԱ-ն է այժմ գլխավոր մրցակիցը նրա տրանսֆերի համար։
