«Բարսելոնայի» կիսապաշտպանը կլքի ակումբը։ Ինչպես հաղորդում է Transfer News Live-ը՝ հղում անելով Marca-ին, կատալոնացիները համաձայնել են խզել պայմանագիրը Օրիոլ Ռոմեուի հետ։

Ավելի վաղ մամուլը գրել էր, որ Ռոմեուի հետ բաժանումը կօգնի «Բարսելոնային» ձեռք բերել դարպասապահ Վոյցեխ Շչեսնիին։ Անցյալ մրցաշրջանում Օրիոլ Ռոմեուն վարձավճարով խաղացել է «Ժիրոնայում»։

Հեղինակավոր Transfermarkt պորտալը 33-ամյա ֆուտբոլիստին գնահատում է 1.2 միլիոն եվրո։ Իսպանիայի Լա լիգայի հաջորդ խաղը «Բարսելոնան» կանցկացնի շաբաթ օրը՝ օգոստոսի 23-ին, «Լևանտեի» դեմ՝ արտագնա խաղում։ Առաջին տուրում Հանս-Դիտեր Ֆլիկի թիմը 3։0 հաշվով հաղթել է «Մալյորկային»։