«Մանչեսթեր Սիթիի» գլխավոր մարզիչ Խոսեպ Գվարդիոլան հավանություն չի տալիս հարձակվող Սավիոյի վաճառքին։ Վերջերս 21-ամյա ֆուտբոլիստի նկատմամբ հետաքրքրությունը ակտիվորեն վերագրվում է «Թոթենհեմին»։
Լրագրող Բեն Ջեյքոբսի խոսքով՝ Գվարդիոլան արդեն որոշել է, որ բրազիլացին ոչ մի տեղ չի գնա։ «Թոթենհեմի» առաջարկը մերժվելու է։
Հայտնի Transfermarkt կայքի փորձագետները Սավիոյի արժեքը գնահատում են 50 միլիոն եվրո։ Ֆուտբոլիստի պայմանագիրը «Մանչեսթեր Սիթիի» հետ նախատեսված է մինչև 2029 թվականի կեսերը։
Երիտասարդ հարձակվողը վնասվածքի պատճառով բաց է թողել Պրեմիեր լիգայի առաջին տուրի խաղը «Վուլվերհեմփթոնի» դեմ։
