«Մանչեսթեր Յունայթեդը» Պրեմիեր Լիգայի 1-ին տուրում պարտվեց «Արսենալին»։ Խաղը տեղի ունեցավ «Օլդ Թրաֆորդում» և ավարտվեց 1-0 հաշվով՝ հյուրերի օգտին։

«Մանչեսթեր Յունայթեդի» գլխավոր մարզիչ Ռուբեն Ամորիմի համար այս պարտությունը 15-րդն էր թիմի ղեկին Պրեմիեր Լիգայում (7 հաղթանակ և 6 ոչ-ոքի)։

Ռուբեն Ամորիմը այս արդյունքին հասավ իր 28-րդ խաղում։ Opta-ի տվյալներով՝ սա 2009 թվականից ի վեր ամենավատ արդյունքն է այն թիմի ղեկին գտնվող մարզչի համար, որը Չեմպիոնշիփից Պրեմիեր Լիգա չի բարձրացել։

2009 թվականին «Պորտսմութի» գլխավոր մարզիչ Փոլ Հարթը 27 խաղում կրեց 15 պարտություն և 2009/10 մրցաշրջանի նոյեմբերին հեռացվեց աշխատանքից։