Կատալոնական «Բարսելոնայի» նորեկ, անգլիացի Մարկուս Ռեշֆորդը գրառում է կատարել «Բլաուգրանայի» կազմում իր դեբյուտային պաշտոնական խաղի մասին:
Իսպանիայի առաջնության առաջին փուլում Ֆլիկի թիմը 3:0 հաշվով հաղթել է «Մալյորկային»:
«Լավագույն մեկնարկը: Թիմ, որը լավ է հարձակվում», – հաղորդագրություն է թողել ֆուտբոլիստը սոցիալական ցանցերում:
Երեկվա հանդիպման ժամանակ գոլերի հեղինակներ են դարձել Ռաֆինյան, Ֆերրան Տոռեսը և Լամին Յամալը: Հիշեցնենք, որ Մարկուսը «Մանչեսթեր Յունայթեդից» մինչև ընթացիկ մրցաշրջանի ավարտը վարձակալությամբ տեղափոխվել է «Բարսելոնա»:
Պայմանագրի ժամկետի ավարտից հետո կատալոնական գրանդը կարող է կազմակերպել անգլիացու ամբողջական տրանսֆերը:
