«Ասթոն Վիլան» մոտ է ՊՍԺ-ի վինգեր Մարկո Ասենսիոյին մշտական հիմունքներով ձեռք բերելուն։ Անցած մրցաշրջանի երկրորդ կեսին ֆուտբոլիստը վարձավճարով խաղացել է անգլիական ակումբում։
Այս մասին հայտնում է Caught Offside-ը։
Աղբյուրի համաձայն՝ անգլիական թիմը պատրաստում է 15 միլիոն եվրոյի առաջարկ փարիզցիների համար։ Այս գումարը պետք է բավարարի ՊՍԺ-ի պահանջները։ Ընդգծվում է, որ «Ասթոն Վիլան» արդեն համաձայնության է եկել Ասենսիոյի հետ երեք տարվա պայմանագրի շուրջ։
Բիրմինգհեմյան ակումբի կազմում իսպանացին մասնակցել է բոլոր մրցաշարերում 21 հանդիպման, որոնցում խփել է ութ գոլ և կատարել մեկ գոլային փոխանցում։ Ֆուտբոլիստի ներկայիս աշխատանքային պայմանագիրը ՊՍԺ-ի հետ նախատեսված է մինչև 2026 թվականի ամառը։
Transfermarkt-ը ֆուտբոլիստի արժեքը գնահատում է 20 միլիոն եվրո։
