«Կրասնոդարի» և Հայաստանի ազգային հավաքականի կիսապաշտպան Էդուարդ Սպերցյանը կհանդիպի ակումբի սեփականատեր Սերգեյ Գալիցկիի հետ՝ քննարկելու «Սաութհեմփթոն» տեղափոխությունը, հայտնում է Arménie Football-ը։
«Էդուարդ Սպերցյանը օգոստոսի 16-ին կհանդիպի ակումբի նախագահ Սերգեյ Գալիցկիի հետ՝ իր ապագան պարզաբանելու համար։ Ֆուտբոլիստը ցանկանում է միանալ «Սաութհեմփթոնին», և «Կրասնոդարը» գոհ է տրանսֆերի առաջարկից։ Երկու կողմերն էլ ցանկանում են բաժանվել լավ պայմաններով», – ասվում է աղբյուրի հայտարարության մեջ։
Հիշեցնենք, որ «Սաութհեմփթոնի» գլխավոր մարզիչ Ուիլ Սթիլը վերջերս կայացած մամուլի ասուլիսում ասել է, որ Սպերցյանը լավ ֆուտբոլիստ է, և իր ակումբը հետաքրքրված է լավ ֆուտբոլիստներով։
