«Լիվերպուլի» հարձակվող Ֆեդերիկո Կիեզան, ըստ ամենայնի, կշարունակի հանդես գալ թիմում՝ չնայած հեռանալու վերաբերյալ տարածված լուրերին։ Տարբեր աղբյուրներ գրում են, որ «Լիվերպուլում» պատրաստվում էին բաժանվել 27-ամյա իտալացիից, որը ցանկություն ուներ վերադառնալ հայրենիք՝ անհաջող մրցաշրջանից հետո։
La Gazzetta dello Sport-ի տեղեկություններով՝ Կիեզան վերջերս հանդիպել է թիմի գլխավոր մարզիչ Արնե Սլոտին, ով վստահեցրել է, որ տեսնում է նրան հարձակման գծի հիմնական տարբերակներից մեկում։ Նույն դիրքորոշումը փոխանցվել է նաև ֆուտբոլիստի գործակալի հետ կապի ընթացքում։
Աղբյուրները նշում են, որ Կիեզայի հնարավոր հեռացման դեպքում «Լիվերպուլը» հարձակման եզրերում կմնա շատ սահմանափակ տարբերակներով, ինչի պատճառով ակումբը ներկայումս մտադիր է պահել խաղացողին։
