«Բարսելոնայի» երկու հիմնական խաղացողների միջև կոնֆլիկտ է առաջացել։ Ինչպես հաղորդում է Goal պորտալը՝ հղում անելով իսպանական Sport-ին, երկու կիսապաշտպաններ՝ Գավին և Ֆերմին Լոպեսը, վիճաբանել են։
Աղբյուրի փոխանցմամբ՝ Գավիի և Լոպեսի հարաբերություններում խնդիրները ծագել են նրանց սիրելիների միջև լարվածության պատճառով։ Աղջիկները երբեք լավ չեն շփվել, և այժմ այդ լարվածությունը տարածվել է նաև խաղացողների վրա։ Գավին վերջերս դարձել է 21 տարեկան, բայց Ֆերմինը չի շնորհավորել նրան։
Նշվում է, որ զայրացած Գավին նույնիսկ կապ է հաստատել «Բարսելոնայի» նախագահի խորհրդականի հետ և խնդրել Լոպեսին ներառել տրանսֆերային ցուցակում։ Տեղեկությունը հասել է Ֆերմինին, և ենթադրաբար սա է եղել վերջերս հրապարակված խորհրդավոր հրապարակման պատճառը, որտեղ Լոպեսը խոսել է որոշ «դիմակներով վատ և վախկոտ մարդկանց» մասին:
