Անցյալ շաբաթ «Մանչեսթեր Յունայթեդը» իր թիմին ավելացրեց հարձակվող Բենջամին Շեշկոյին։ Երկրպագուները արագորեն կռահեցին, որ սլովենացին «Կարմիր սատանաների» կազմում կխաղա 30 համարի ներքո։

Այժմ ակումբը հաստատել է դա՝ հրապարակելով Շեշկոյի լուսանկարը, որի մարզաշապիկին այդ համարն է։ Նշենք, որ Բենջամին Շեշկոն 30 համարի ներքո խաղացել է «Ռեդ Բուլ Զալցբուրգում» և «ՌԲ Լայպցիգում»։

«Մանչեսթեր Յունայթեդը» 2025/2026 մրցաշրջանի իր առաջին խաղը կանցկացնի կիրակի՝ օգոստոսի 17-ին։ Այս օրը Ռուբեն Ամորիմի թիմը Պրեմիեր լիգայի բացման տուրում կհյուրընկալի «Արսենալին», Երևանի ժամանակով ժամը 19:30-ին։