«Լայպցիգի» կիսապաշտպան Չավի Սիմոնսը գրավել է Պրեմիեր լիգայի մեկ այլ թոփ ակումբի ուշադրությունը։ Այս տեղեկատվությունը տարածել է լրագրող Սաշա Տավոլերին։
Աղբյուրի փոխանցմամբ՝ ֆուտբոլիստը դարձել է «Մանչեսթեր Սիթիի» տրանսֆերային նպատակը։ «Քաղաքայինների» ղեկավարությունն արդեն երկխոսություն է սկսել հոլանդացի կիսապաշտպանի գործակալի հետ։ Միաժամանակ, Սիմոնսով հետաքրքրված է նաև «Չելսին», որը գտնվում է «Լայպցիգի» հետ բանակցությունների ակտիվ փուլում։
Անցյալ մրցաշրջանում Չավի Սիմոնսը գերմանական ակումբի կազմում մասնակցել է 33 խաղի բոլոր մրցաշարերում, խփել է 11 գոլ և կատարել 8 գոլային փոխանցում։ Նրա արժեքը, ըստ Transfermarkt-ի, կազմում է 70 միլիոն եվրո։
