«Նյուքասլը» «Լայպցիգին» առաջարկել է հարձակվող Բենջամին Շեշկոյի համար նոր պաշտոնական առաջարկ, հայտնում է լրագրող Ֆաբրիցիո Ռոմանոն։

Աղբյուրի փոխանցմամբ՝ անգլիական ակումբը պատրաստ է 22-ամյա սլովենացու համար վճարել 80 միլիոն եվրո, ինչպես նաև վճարել ևս 10 միլիոն եվրո բոնուսների տեսքով։ Ֆուտբոլիստը դեռ որոշում չի կայացրել։

«Մանչեսթեր Յունայթեդը» նույնպես ցանկանում է ձեռք բերել Սլովենիայի հավաքականի հարձակվողին։

Շեշկոն «Լայպցիգում» հանդես է գալիս 2023 թվականից։ Transfermarkt-ը հարձակվողի արժեքը գնահատում է 70 միլիոն եվրո։

2024/25 մրցաշրջանում Շեշկոն անցկացրել է 45 հանդիպում, խփել 21 գոլ և կատարել 6 գոլային փոխանցում։