«Նյուքասլի» գլխավոր մարզիչ Էդի Հոուն խոսել է հարձակվող Ալեքսանդր Իսակի վարքագծի մասին, ով փորձում է ուժով տեղափոխվել «Լիվերպուլ» և չի մարզվում թիմի հետ։
Շվեդ հարձակվողը լքել է ակումբը առանց թույլտվության՝ թռչելով Իսպանիա, որտեղ մարզվել է «Ռեալ-Սոսյեդադի» բազայում։
«Դուք պետք է վաստակեք մեզ հետ մարզվելու իրավունքը։ Մենք «Նյուքասլն» ենք։ Ֆուտբոլիստը պետք է լինի թիմի մաս և անի ճիշտը։ Ոչ մի ֆուտբոլիստ չի կարող ակնկալել, որ նա վատ կվարվի և կշարունակի մարզվել այնպես, կարծես ոչինչ չի պատահել։
Կցանկանայի՞, որ նա թիմի հետ լինի։ Իհարկե։ Բայց կլինի՞։ Չգիտեմ։ Մենք այստեղ էինք՝ խաղերին նախապատրաստվելու համար, և տանը գտնվող մյուս մարդիկ զբաղվում էին այս խնդրով», – մարզչի խոսքերն է մեջբերում Daily Mail-ը։
Հիշեցնենք, որ ավելի վաղ հաղորդվել էր, որ «Նյուքասլը» մերժել է «Լիվերպուլի» վերջին առաջարկը ֆուտբոլիստի տրանսֆերի վերաբերյալ։
