Հարձակվող կիսապաշտպան Էստևաոն ժամանել է «Չելսիի» մարզաբազա՝ թիմի հետ մարզումները սկսելու համար։ Այս մասին հաղորդվել է լոնդոնյան ակումբի պաշտոնական կայքում։

Ինչպես հայտնի է, «Չելսին» Էստևաոյի ապագա տրանսֆերի մասին հայտարարել է դեռևս 2024 թվականի հունիսին։ Սակայն 18-ամյա ֆուտբոլիստը նոր է միացել թիմին։

Transfermarkt-ի տվյալներով՝ «Չելսին» «Պալմեյրասին» Էստևաոյի համար վճարել է 34 միլիոն եվրո։

Անցյալ տարվա սեպտեմբերին Էստևաոն իր նորամուտը նշեց Բրազիլիայի հավաքականում։ Այդ ժամանակվանից ի վեր ֆուտբոլիստը պարբերաբար հրավիրվում է «Սելեսաոյի» շարքեր։ Պրեմիեր լիգայի առաջին տուրում «Չելսին» կհյուրընկալի «Քրիստալ Փելասին»։ Խաղը կկայանա օգոստոսի 17-ին։