Բրազիլացի հարձակվող Նեյմարը, որը հանդես է գալիս «Սանթոսի» կազմում, կարող է շարունակել իր կարիերան Իտալիայի առաջնությունում։ Այս մասին հայտնում է La Gazzetta dello Sport-ը։
Աղբյուրի համաձայն՝ թուրինյան թիմի ղեկավարությունը քննարկում է Նեյմարին ձեռք բերելու տարբերակը։ «Յուվենտուսը» կարծում է, որ խաղացողը կարող է վերսկսել իր կարիերան Իտալիայում։
Ձմռանը Նեյմարը վերադարձավ «Սանթոս»։ Այդ ժամանակվանից ի վեր բրազիլացին «Սանթոսի» կազմում անցկացրել է 18 հանդիպում, խփել չորս գոլ և կատարել երեք գոլային փոխանցում։
