«Ռեալ Մադրիդի» կիսապաշտպան Էդուարդո Կամավինգան դժգոհ է թիմում իր դիրքից։ Ֆրանսիացին անհաջող մրցաշրջան ունեցավ. նա հաճախ էր բացակայում վնասվածքների պատճառով և միշտ չէ, որ մեկնարկային կազմում էր, նույնիսկ երբ պատրաստ էր։
Լրագրող Պաբլո Գալյեգոյի խոսքով՝ 22-ամյա կիսապաշտպանը նպատակ է դրել վերադառնալ «Լոս Բլանկոսի» հիմնական կազմ գալիք մրցաշրջանում։ Խաղացողն արդեն ապաքինվել է վնասվածքից, նա արձակուրդում քրտնաջան աշխատել է՝ առաջին խաղերին լավ ֆիզիկական վիճակում մոտենալու համար։
Էդուարդո Կամավինգան 2024/25 մրցաշրջանում բոլոր մրցաշարերում մասնակցել է «Ռեալ Մադրիդի» 35 խաղի՝ խփելով երկու գոլ և կատարելով երկու գոլային փոխանցում։
