«Մանչեսթեր Յունայթեդը» հաղթեց Պրեմիեր լիգայի ամառային սերիայի նախամրցաշրջանային մրցաշարում, որը տեղի ունեցավ ԱՄՆ-ում:
Վերջին փուլում «Կարմիր սատանաները» ոչ-ոքի խաղացին «Էվերթոնի» հետ (2-2) և յոթ միավորով զբաղեցրեցին մրցաշարային աղյուսակի առաջին հորիզոնականը՝ առաջ անցնելով «Վեսթ Հեմից» (6), «Բորնմութից» (3) և «Էվերթոնից» (1): Բոլոր չորս թիմերն էլ խաղացել են միմյանց դեմ մեկական անգամ: «Էվերթոնի» հետ հանդիպումից հետո Ռուբեն Ամորիմի թիմին հանձնվեց գավաթը:
Հիշեցնենք, որ Պրեմիեր լիգայի վերջին վիճակահանության ժամանակ «Մանչեսթեր Յունայթեդը» զբաղեցրեց 15-րդ տեղը: Օգոստոսի 17-ին մանկունիանցիները տանը կընդունեն «Արսենալին» 2025/26 Պրեմիեր լիգայի առաջին փուլի շրջանակներում:
