Հայաստանի չեմպիոն «Նոան», եթե կարողանա հաղթահարել Ջիբրալթարը ներկայացնող «Լինկոլն Ռեդ Իմպսի» արգելքը Եվրոպա լիգայի որակավորման երրորդ փուլում, փլեյ-օֆֆ փուլում կմրցի «Կլուժ» (Ռումինիա) – «Բրագա» (Պորտուգալիա) զույգի հաղթողի հետ։
«Լինկոլն Ռեդ Իմպս» – «Նոա» դիմակայության առաջին խաղը նախատեսված է օգոստոսի 7-ին՝ Ջիբրալթարում, իսկ պատասխան հանդիպումը կկայանա օգոստոսի 14-ին՝ Աբովյանի մարզադաշտում։
Եվրոպա լիգայի որակավորման փլեյ-օֆֆ փուլի առաջին հանդիպումները կանցկացվեն օգոստոսի 21-ին, պատասխանները՝ օգոստոսի 28-ին։
Վիճակահանությունը հեռարձակվել է «Ֆասթ Սպորտ»-ի ուղիղ եթերում։
