«Ռեալ Մադրիդը» պատրաստ կլինի վաճառել պահեստային դարպասապահ Անդրեյ Լունինին, եթե գնորդը կատարի որոշակի պայման, հաղորդում է Diario Gol-ը։

Աղբյուրի փոխանցմամբ՝ «արքայական» ակումբը կբաժանվի ուկրաինացի դարպասապահից միայն այն դեպքում, եթե նրա համար առաջարկվի ավելի քան 20 միլիոն եվրո փոխհատուցում։ Մինչ այժմ իսպանական գրանդի գրասենյակը նման առաջարկներ չի ստացել։

Լունինը մադրիդյան թիմում խաղում է 2018 թվականի ամռանից։ Անդրեյի և «սերուցքայինների» միջև գործող աշխատանքային պայմանագիրը լրանում է 2030 թվականի հունիսի վերջին։ Դրա շուկայական արժեքը գնահատվում է 18 միլիոն եվրո։