Լոնդոնի «Արսենալը» բանակցություններ է սկսել 20-ամյա կենտրոնական պաշտպան Ժերեմի Ժակեի հետ։ Ինչպես հաղորդում է ինսայդեր Ֆաբրիցիո Ռոմանոն, անգլիական ակումբը նախնական կապ է հաստատել ֆրանսիացի խաղացողի հետ, ով վերջերս նոր պայմանագիր է կնքել «Ռենի» հետ մինչև 2029 թվականը։

Եթե տրանսֆերը չկայանա այս ամռանը, Ժակեն կդիտարկվի հաջորդ տարի ձեռք բերելու հավանական թեկնածու։

Անցած մրցաշրջանում Ժակեն անցկացրել է 29 խաղ՝ դրանցից 12-ը «Ռենի», իսկ 17-ը՝ «Կլերմոնի» կազմում։ Նա ընդհանուր առմամբ խփել է 2 գոլ, կատարել 2 գոլային փոխանցում և ստացել 4 դեղին քարտ։ Նրա շուկայական արժեքը կազմում է 10 միլիոն եվրո։