«Բարսելոնայի» հարձակվող Ռաֆինյան Sport-ին տված հարցազրույցում անդրադարձել է իր ապագային և ակումբի հետ պայմանագրի երկարաձգմանը։
Հիշեցնենք, որ բրազիլացին վերջերս երկարաձգել է պայմանագիրը ևս մեկ մրցաշրջանով՝ մինչև 2028 թվականը։
Հարցին, թե արդյոք մտածում է 2028-ից հետո ապագայի մասին, Ռաֆինյան պատասխանել է.
«Ճշմարտությունն այն է, որ եթե ակումբը գոհ լինի ինձնից, ես կմնամ այստեղ որքան հնարավոր է երկար։ Իհարկե, եթե տեսնեմ, որ չեմ խաղում ամբողջ ուժով կամ դադարեմ բավարար ներդրում ունենալ, ապա կհասկանամ, որ հեռանալու ժամանակն է։ Բայց առայժմ կարծում եմ, որ լավ եմ։ Ես լավ ֆիզիկական և մարտավարական վիճակում եմ։
Կտեսնենք, թե ինչպես կընթանան իրադարձությունները։ Ինչպես ասացի, եթե ես լավ մարզավիճակում լինեմ, և ակումբը ցանկանա, որ ես այստեղ լինեմ, ես կշարունակեմ իմ ամբողջ ուժը տալ»,- ասել է Ռաֆինյան։
