«Բարսելոնայի» կիսապաշտպան Դանի Օլմոն վստահ է, որ կատալոնական թիմը ամառային տրանսֆերային պատուհանի ընթացքում զգալիորեն ուժեղացել է՝ համեմատած գլխավոր մրցակից «Ռեալ Մադրիդի» հետ։
«Մենք նույնպես ուժեղացել ենք և դարձել ավելի լավը։ Բոլոր թիմերն էլ փոփոխություններ են կատարում տրանսֆերային ժամանակահատվածում, բայց մեզ համար կարևոր չէ, թե ում են նրանք վերցնում։ Պետք է կենտրոնանանք մեր թիմի զարգացման վրա», – Օլմոյի խոսքերն է փոխանցում Cadena Cope-ը։
Իսպանացի ֆուտբոլիստը ընդգծել է, որ «Բարսելոնան» ճիշտ ընտրություններ է կատարել։ Ամենահնչեղ տրանսֆերը Մարկուս Ռեշֆորդի ժամանումն էր, ով վարձավճարով միացավ կատալոնացիներին։
Ի տարբերություն դրա, «Ռեալ Մադրիդը» համալրվել է Տրենտ Ալեքսանդր-Արնոլդով (Լիվերպուլ), Դին Հեյսենով (Բորնմութ) և Ալվարո Կարերասով (Բենֆիկա)։
