«Մանչեսթեր Յունայթեդի» պաշտպան Լյուկ Շոուն խոսել է վերջին տարիներին թիմում տիրող մթնոլորտի և այն մասին, թե ինչ է փոխում ակումբում գլխավոր մարզիչ Ռուբեն Ամորիմը։
«Դժվար չէ դրսից տեսնել, թե ինչպիսին է այն։ Մթնոլորտը կարող է բավականին թունավոր լինել, այն լիովին անառողջ է։ Մեզ անհրաժեշտ է առողջ, դրական, էներգետիկ և ուրախ մթնոլորտ։ Երբ դու ունես այդ ամենը, դու ավելի ազատ ես զգում և կարող ես ավելի շատ արտահայտվել։
Ռուբենը պահանջներ է ներկայացնում։ Մտածելակերպը մեծ գործոն է։ Նա շատ է խոսում դրա մասին։ Նա պահանջում է 100% և չի ուզում պակաս։ Եթե մեկը տալիս է 85-90%, դա բավարար չէ։ Կարծում եմ, հատկապես այս տարի, եթե դու ինչ-որ բան ճիշտ չես անում, չես խաղա։
Ավելի փորձառու խաղացողները պետք է ամեն օր ավելին պահանջեն։ Մարզումների մակարդակը, ժամանակացույցի պահպանումը, որպեսզի ոչ ոք չուշանա։ Դա կարևոր չէ մարզչի համար։
Նրան չի հետաքրքրում, թե ով է խաղացողը։ Այդպես էլ պետք է լինի։ Ինչ էլ որ նա ուզենա, մենք՝ որպես խաղացողներ, պետք է անենք դա, և մենք լիովին աջակցում ենք դրան», – ասել է Շոուն BBC-ին։
