Հուլիսի վերջին օրը «Բավարիան» ներկայացրեց հարձակվող Լուիս Դիասին։ Կոլումբիացի ֆուտբոլիստին տրվեց 14 համարի մարզաշապիկը։ Հենց այս համարի ներքո է Դիասը խաղալու մյունխենյան թիմում։
Վերջին տարիներին 14 համարը «Բավարիայում» ազատ է եղել։ Լուիս Դիասը մի ժամանակ խաղացել է Կոլումբիայի ազգային հավաքականում այս համարի ներքո։ Ինչ վերաբերում է «Լիվերպուլին», կոլումբիացի ֆուտբոլիստը «Լիվերպուլի» կազմում խաղացել է 23 և 7 համարների ներքո։
Մամուլի տվյալներով՝ «Բավարիան» Լուիս Դիասի տրանսֆերի համար «Լիվերպուլին» վճարել է 70 միլիոն եվրո։ Գործարքի գումարը կարող է աճել բոնուսների պատճառով։ 2025/2026 մրցաշրջանի առաջին խաղը «Բավարիան» կանցկացնի «Շտուտգարտի» դեմ՝ Գերմանիայի Սուպերգավաթի շրջանակներում, օգոստոսի 16-ին։
