«Բարսելոնայի» գլխավոր մարզիչ Հանս-Դիտեր Ֆլիկը պատասխանել է թիմի դարպասապահ Մարկ-Անդրե տեր Շտեգենին ավագի թևկապից հնարավոր զրկելու վերաբերյալ հարցին։
«Թիմը միշտ է որոշում ավագներին, ինչպես դա լինում էր նախորդ մրցաշրջաններում։ Սովորաբար մրցաշրջանի մեկնարկից երկու շաբաթ առաջ», – Ֆլիկի խոսքերն է մեջբերում Sport.es-ը։
Նախորդ օրը «Բարսելոնան» հայտարարություն էր տարածել, որում հաղորդվում էր, որ դարպասապահը հաջողությամբ ենթարկվել է մեջքի ստորին հատվածի վիրահատության։
Լրատվամիջոցները հայտնել են, որ 33-ամյա ֆուտբոլիստի վերականգնողական շրջանը կարող է լինել չորս ամիս։
