Վերջերս տեղի ունեցավ ամռան ամենաաղմկոտ տրանսֆերներից մեկը՝ Լուիս Դիասը «Լիվերպուլից» տեղափոխվեց «Բավարիա»։ Հարձակվողն ինքը խոսեց Գերմանիա տեղափոխվելու մասին.
«Ես շատ ուրախ եմ։ Ինձ համար շատ բան է նշանակում լինել «Բավարիայի» մաս՝ դա աշխարհի ամենամեծ ակումբներից մեկն է։ Իմ նպատակն է նվաճել բոլոր հնարավոր տիտղոսները՝ մենք դրա վրա կաշխատենք ամեն օր որպես թիմ», – ասել է ֆուտբոլիստը մյունխենյան թիմի մամուլի ծառայությանը տված հարցազրույցում։
Կոլումբիացին ցանկություն է հայտնել օգնել նոր թիմին իր անհատական ֆուտբոլային որակներով։ Այսօր՝ հուլիսի 30-ին, «Բավարիան» պաշտոնապես ներկայացրեց իր նորեկին։ Տրանսֆերի գումարը կազմել է 70 միլիոն եվրո։ Դիասը Բունդեսլիգայում կխաղա մինչև 2029 թվականի ամառը։
