«Ռեալ Մադրիդը» պատրաստ է վերանայել թիմի հարձակվող Ռոդրիգոյի տրանսֆերի վերաբերյալ իր պահանջները։ 24-ամյա ֆուտբոլիստը կարող է լքել ակումբը ընթացիկ տրանսֆերային պատուհանի ընթացքում, քանի որ գլխավոր մարզիչ Խաբի Ալոնսոն նրան չի տեսնում թիմի մեկնարկային կազմում։
Սկզբում «Լոս Բլանկոսը» բրազիլացու համար պահանջում էր ավելի քան 100 միլիոն եվրո, ինչը վախեցրեց պոտենցիալ գնորդներին։
Ինչպես հայտնում է Diario AS-ը՝ «Ռեալը» այժմ պատրաստ է ընդունել 90 միլիոն եվրոյից ցածր առաջարկներ։ Ռոդրիգոյի հավակնորդների թվում էին Լոնդոնի «Արսենալը», «Մանչեսթեր Սիթին», «Լիվերպուլը», ՊՍԺ-ն և «Բավարիան»։
«Արսենալը» վաղուց համարվում էր մադրիդյան գրանդի աստղի համար պայքարում ֆավորիտ։
