«Բայերի» հարձակվող Ամին Ադլին կարող է տեղափոխվել Անգլիայի առաջնություն։ «Վուլվերհեմփթոնը» ցանկանում է գնել ֆուտբոլիստին։ Այս մասին հաղորդում է Bild-ը։

Աղբյուրի համաձայն՝ անգլիացիները ֆուտբոլիստին դիտարկում են որպես հարձակման եզրերը ուժեղացնելու միջոց։ Ակումբներն արդեն սկսել են բանակցություններ տրանսֆերի շուրջ։ Հայտնի է, որ «Բայերը» դեմ չէ իր խաղացողին բաց թողնելուն։ Միևնույն ժամանակ, ակումբը ցանկանում է Ադլիի համար ստանալ առնվազն 30 միլիոն եվրո։

Անցած մրցաշրջանում 25-ամյա մարոկկացին գերմանական ակումբի կազմում անցկացրել է 28 հանդիպում՝ խփելով երկու գոլ և կատարելով երկու գոլային փոխանցում։