«Արսենալը» երկարատև բանակցություններ էր վարում «Լայպցիգի» հարձակվող Բենջամին Շեշկոյի հետ, որին ակումբը դիտարկում էր հավանական ձեռքբերում, նախքան «Սպորտինգի» հարձակվող Վիկտոր Գյոկերեսի հետ պայմանագիր կնքելը, հայտնում է The Athletic-ը։
Աղբյուրի համաձայն՝ սլովենացու հետ բանակցությունների ընթացքում «Արսենալը» որոշել է, որ նրա աշխատավարձի և վարձատրության ակնկալիքները չափազանց բարձր են այն ֆուտբոլիստի համար, որը համարվում է զարգացման նախագիծ։
Իր հերթին, լոնդոնյան ակումբը Գյոկերեսին գնահատել է որպես բարձր որակներով հարձակվող, որը կարող է ազդել թիմի այս մրցաշրջանի արդյունքների վրա։
Հիշեցնենք, որ «Արսենալը» հայտարարել է Գյոկերեսի տեղափոխության մասին շաբաթ օրը՝ հուլիսի 26-ին։
