Անգլիական «Մանչեսթեր Յունայթեդ» ակումբի կամերունցի դարպասապահ Անդրե Օնանան վերադարձել է թիմի հետ մարզումներին։ Այս մասին հայտնել է ակումբի մամուլի ծառայությունը։
Հրապարակված լուսանկարներում կարելի է տեսնել դարպասապահին, որը խաղադաշտ է դուրս եկել վնասվածքից հետո։ Վերջերս խոսվում էր, որ Օնանան բաց կթողնի մինչև 2 ամիս, սակայն 2 ոչ լիարժեք շաբաթում նա վնասվածքից ապաքինվել է։ Ֆուտբոլիստը, որը նախորդ մրցաշրջանում ցուցադրեց ոչ այնքան կայուն խաղ, առայժմ մնում է «Մանչեսթեր Յունայթեդում»։
Մանչեսթերյան ակումբի՝ Էմիլիանո Մարտինեսին ձեռք բերելու փորձերը դեռևս հաջողությամբ չեն պսակվել, և Օնանան ինքը ցանկանում էր մնալ թիմի հետ։ Անցյալ մրցաշրջանում անցկացրած 50 խաղերում նա բաց է թողել 65 անգամ՝ 12-ում պահպանելով անառիկ դարպասը։
