Վերջերս Լամին Յամալը երկարաձգեց իր պայմանագիրը «Բարսելոնայի» հետ և փոխեց իր մարզաշապիկի համարը 19-ից 10-ի։
Լիոնել Մեսսին և այլ աստղեր խաղում էին «Բլաուգրանայ» կազմում այս համարի ներքո։ Հայտնի նախկին ֆուտբոլիստ Սերխիո Ագուերոն մեկնաբանել է Յամալի մարզաշապիկի համարի փոփոխությունը։
«Իհարկե, 10 համարը մեծ խորհրդանշական նշանակություն ունի «Բարսելոնայում»։ Կարող եք մտածել նաև Լեոյի, բայց նաև Ռոնալդինյոյի, Մարադոնայի և այլ մեծ խաղացողների մասին։ Կարծում եմ՝ Յամալը արժանի էր 10 համարին՝ ցուցադրելով բնավորություն և հմտություն իր տարիքի խաղացողի համար։
Նա հիանալի է հանդես գալիս թե՛ «Բարսելոնայի» և թե՛ Իսպանիայի հավաքականի կազմում։ Կասեի, որ մինչ այժմ նա շատ լավ է հաղթահարում ճնշումը», – Stake.com-ին ասել է Ագուերոն։ Լամին Յամալը 18 տարեկան դարձավ հուլիսի 13-ին։
