«Լիվերպուլի» եզրային հարձակվող Ֆեդերիկո Կիեզան պատրաստվում է լքել անգլիական ակումբը և այս ամռանը վերադառնալ հայրենիք։ Անգլիայում անցկացրած ոչ արդյունավետ դեբյուտային մրցաշրջանից հետո 27-ամյա իտալացին հույս ունի վերասկսել իր կարիերան Ա Սերիայում։
Ինչպես հաղորդում է ինսայդեր Ֆաբրիցիո Ռոմանոն, «Լիվերպուլի» գլխավոր մարզիչ Առնե Սլոտը տեղյակ է խաղացողի հեռանալու մտադրությունից։ Դրա պատճառով էլ մարզիչը Կիեզային չի ընդգրկել թիմի ասիական նախամրցաշրջանային հավաքի կազմում։
Հարձակվողի ծառայություններով լրջորեն հետաքրքրված է «Ատալանտան», իսկ ավելի վաղ խոսվում էր նաև նրա հնարավոր տեղափոխության մասին «Միլան», «Նապոլի» և Ա Սերիայի այլ առաջատար ակումբներ։
Transfermarkt-ը ֆուտբոլիստի արժեքը գնահատում է 14 միլիոն եվրո։
