«Չելսիի» հարձակվող Քրիստոֆեր Նկունկուն հույս ունի շարունակել իր կարիերան «Բավարիայում»։ Ֆրանսիացին գերմանական գրանդի ուշադրության կենտրոնում է հունվարից, բայց ներկայումս շուկայում առաջնահերթ տարբերակ չի համարվում։
Sport Bild-ի տվյալներով՝ Նկունկուն ցանկանում է տեղափոխվել Մյունխեն և պատրաստ է սպասել մինչև ամռան վերջ։ Գործակալ Պինի Զահավին, որը ներկայացնում է 27-ամյա խաղացողի շահերը, շարունակում է կապ պահպանել «Բավարիայի» հետ՝ հասկանալով, որ գործարքը կարող է տեղի ունենալ, եթե ակումբը ձախողվի իր հիմնական տրանսֆերային նպատակների շուրջ բանակցություններում։
Քրիստոֆեր Նկունկուի արժեքը, ըստ Transfermarkt-ի, կազմում է 35 միլիոն եվրո։ «Չելսին» հարձակվողի համար պահանջում է մոտ 40 միլիոն եվրո։
