«Լայպցիգի» կիսապաշտպան Խավի Սիմոնսը համաձայնել է տեղափոխվել «Չելսի», հայտնում է լրագրող Ֆաբրիցիո Ռոմանոն:
Աղբյուրի փոխանցմամբ՝ ակումբների միջև բանակցությունները կսկսվեն առաջիկա օրերին, և լոնդոնյան ակումբն արդեն կապ է հաստատել կիսապաշտպանի ներկայացուցիչների հետ:
Նշվում է, որ գործարքը մեծապես կախված կլինի նրանից, թե արդյոք «Չելսին» կկարողանա վաճառել ներկայիս կազմի որևէ ֆուտբոլիստի:
2024/25 մրցաշրջանում հոլանդացին բոլոր մրցաշարերում անցկացրել է 33 խաղ, խփել 11 գոլ և կատարել 8 գոլային փոխանցում։ 22-ամյա ֆուտբոլիստի ներկայիս պայմանագիրը ակումբի հետ նախատեսված է մինչև 2027 թվականի հունիսի վերջը։
Transfermarkt պորտալը ֆուտբոլիստի արժեքը գնահատում է 70 միլիոն եվրո։
