Ակումբային աշխարհի առաջնությունում ելույթը ստիպեց «Չելսիին» կրճատել նախամրցաշրջանային նախապատրաստական աշխատանքները: Լոնդոնյան ակումբը հայտարարեց, որ թիմը նոր մրցաշրջանին կպատրաստվի առանց ճամփորդության:
«Ազնվականները» կմարզվեն իրենց բազայում, ինչպես նաև երկու խաղ կանցկացնեն «Ստեմֆորդ Բրիջում»՝ ընկերական մրցաշարի շրջանակներում:
Ընկերական մրցաշարում «Չելսիի» մրցակիցները կլինեն «Բայերը» (օգոստոսի 8) և «Միլանը» (օգոստոսի 10): Հիշենք, որ «Չելսին» նվաճեց Ակումբային աշխարհի առաջնությունը: Մրցաշարի եզրափակչում Էնցո Մարեսկայի թիմը սենսացիոն հաղթանակ տարավ ՊՍԺ-ի նկատմամբ 3:0 հաշվով: Անգլիայի առաջնությունը մեկնարկում է օգոստոսի կեսերին։
