«Ռեալ Մադրիդի» հարձակվող Բրահիմ Դիասը և կենտրոնական պաշտպան Ռաուլ Ասենսիոն կերկարաձգեն իրենց պայմանագրերը «Արքայական» ակումբի հետ, այն բանից հետո, երբ դարպասապահ Տիբո Կուրտուան դա կանի։ Այս մասին հայտնել է լրագրող Ֆաբրիցիո Ռոմանոն:
Աղբյուրի փոխանցմամբ՝ Դիասը և Կուրտուան իսպանական գրանդի հետ համաձայնեցրել են նոր աշխատանքային պայմանագրի պայմանները։ Այժմ կողմերը պատրաստվում են պաշտոնական ստորագրմանը։
Ընդգծվում է, որ Ասենսիոն կերկարաձգի պայմանագիրը մինչև 2031 թվականի հունիսը։
Ավելի վաղ լրատվամիջոցները հայտնել էին, որ 33-ամյա Կուրտուան երկարաձգել է աշխատանքային պայմանագիրը մինչև 2027 թվականը։
Դիասի գործող պայմանագիրը «Ռեալ Մադրիդի» հետ նախատեսված է մինչև 2027 թվականի ամառը, Ասենսիոյին՝ մինչև 2026 թվականի հունիսը։
