«Մանչեսթեր Յունայթեդը» չի սահմանափակվում միայն Բրայան Մբեմոյի տրանսֆերով։ Daily Express-ի տեղեկություններով՝ մանկունիական ակումբը պատրաստ է կատարել ևս երեք համալրում, եթե կարողանա իրականացնել նախատեսված խաղացողների վաճառքները։
Ակումբը հետաքրքրված է «Անտվերպենի» երիտասարդ դարպասապահ Սենե Լամենսով, ով դիտարկվում է որպես փոխարինող վնասվածք ստացած Անդրե Օնանային։ Դարպասապահի ներգրավումը կարող է լուծել առկա բացը մինչև Օնանայի վերադարձը։
Բանակցություններ են ընթանում նաև «Բրայթոնի» իսպանալեզու պաշտպան Պերվիս Էստուպինյանի տրանսֆերի շուրջ։ Էկվադորցին կարող է ուժեղացնել «Յունայթեդի» ձախ եզրը և մրցակցություն ստեղծել Լյուկ Շոուի և Թերել Մալասիայի համար։
Ակումբի կարճ ցուցակում ներառված է նաև «Ասթոն Վիլայի» և Անգլիայի հավաքականի հարձակվող Օլի Ուոթքինսը։ Նրա հնարավոր տրանսֆերը կավելացնի մրցակցությունը հարձակման գծում և կտրամադրի նոր տարբերակներ գլխավոր մարզիչին։
Հիշեցնենք, որ հուլիսի 18-ին ինսայդերներ Դեյվիդ Օրնշտեյնն ու Ֆաբրիցիո Ռոմանոն հայտնել էին, որ «Յունայթեդը» համաձայնության է եկել «Բրենթֆորդի» հարձակվող Բրայան Մբեմոյի տրանսֆերի շուրջ։ Գործարքը գնահատվում է 71 միլիոն ֆունտ (82.3 միլիոն եվրո), և պաշտոնական հաստատումը սպասվում է մոտ ապագայում։
