Հայաստանի ազգային հավաքականի վինգեր Էդգար Սևիկյանը ընդգրկվել է հունգարական «Ֆերենցվարոշի» հայտացուցակում՝ Չեմպիոնների լիգայի որակավորման երկրորդ փուլի խաղերի համար, որտեղ թիմը մրցելու է Հայաստանի չեմպիոն «Նոայի» հետ։ Այս մասին հաղորդում է ՈՒԵՖԱ-ի պաշտոնական կայքը։
Դիմակայության առաջին հանդիպումը կկայանա հուլիսի 22-ին Աբովյան քաղաքում, Վահագն Թումասյանի անվան մարզադաշտում։ Խաղը կմեկնարկի ժամը 20:00-ին։
Սևիկյանի համար սա կարող է դառնալ առաջին պաշտոնական հանդիպումը «Ֆերենցվարոշի» կազմում, վերադառնալուց հետո։ Նախկինում ֆուտբոլիստը հանդես է եկել նաև Ռուսաստանի և Հայաստանի առաջնություններում։
Հիշեցնենք, որ «Նոան» 2024/25 մրցաշրջանում հաղթել է Հայաստանի Պրեմիեր լիգայում և նվաճել երկրի գավաթը, իսկ «Ֆերենցվարոշը» հանդիսանում է Հունգարիայի գործող չեմպիոն։
