«Բարսելոնան» քննարկում է «Մանչեսթեր Յունայթեդի» հարձակվող Մարկուս Ռեշֆորդին ձեռք բերելու հնարավորությունը։ «Կարմիր սատանաները» վճռականորեն տրամադրված են բաժանվել 27-ամյա ֆուտբոլիստից ընթացիկ տրանսֆերային պատուհանի ընթացքում։
Մանկունիացիները պատրաստ են ընդունել վարձակալության առաջարկը, բայց ցանկանում են գործարքում ներառել գնման պարտավորություն։ «Բարսելոնան» դեռևս չի որոշել՝ ընդունել նման պահանջը, թե ոչ։ Բանակցությունները շարունակվում են։
Վերջերս «Բարսելոնայի» նախագահ Ժոան Լապորտան և գլխավոր մարզիչ Հանս-Դիտեր Ֆլիկը հանդիպել են Մարկուս Ռեշֆորդի գործակալի հետ Կատալոնիայի մայրաքաղաքում։ Բազմաթիվ լուրերի համաձայն, անգլիացին ձմռանից երազում է միանալ «Բլաուգրանաներին»։
