«Ռեալ Մադրիդի» նախկին խաղացող Միշել Սալգադոն խոսել է կիսապաշտպան Ջուդ Բելինգհեմի խաղային դիրքի մասին: Սալգադոյի խոսքով՝ նա ցանկանում է Բելինգհեմին տեսնել ավելի հարձակողական դիրքում, այլ ոչ թե պաշտպանության մեջ:
«Ես ուզում եմ տեսնել Բելինգհեմին ավելի մոտ մրցակցի տուգանային հրապարակին: Ես չեմ ուզում, որ նա վերադառնա գնդակ փնտրելու և չափազանց շատ ներգրավված լինի հարձակումների կառուցման մեջ: Իր առաջին մրցաշրջանում նա ցույց տվեց, որ ունի յուրահատուկ տաղանդ մրցակցի տուգանային հրապարակում: Կարծում եմ՝ Խաբի Ալոնսոն նրան կտա այս դերը:
Նա կլինի առանցքային խաղացող Վինիսիուսից և Մբապեից հետո: Այս մրցաշրջանում մենք կտեսնենք այլ Բելինգհեմի՝ նախորդ մրցաշրջանի համեմատ. մենք տեսնում ենք նրա լավագույն տարբերակը», – ասել է Սալգադոն Give Me Sport-ին:
