«Բարսելոնան» խոշոր վերանորոգում է իրականացնում իր «Կամպ Նոու» մարզադաշտում: Հանս-Դիտեր Ֆլիկի թիմը շուտով կսկսի խաղալ վերանորոգված մարզադաշտում, չնայած աշխատանքները դեռ կշարունակվեն:
Նոր «Կամպ Նոուի» լիարժեք բացումը տեղի կունենա 2026/2027 մրցաշրջանից առաջ՝ տանիքի տեղադրումից հետո: Հանդիսավոր բացման շրջանակներում «Բարսելոնան» նախատեսում է տոնակատարություն անցկացնել Լիոնել Մեսսիի համար:
Mundo Deportivo-ի տվյալներով՝ կատալոնական ակումբը նախատեսում է Մեսսիին հրավիրել նոր «Կամպ Նոուի» բացմանը 2026 թվականի ամռանը: «Բարսելոնան» չկարողացավ նոր պայմանագիր առաջարկել Լիոնել Մեսսիին 2021 թվականի ամռանը՝ ֆինանսական խնդիրների պատճառով:
