«Միլանի» և «Բոլոնիայի» նախկին պաշտպան Դավիդե Կալաբրիան, ով ներկայումս ազատ գործակալ է, կարող է շարունակել իր կարիերան Անգլիայի առաջնությունում: Այս մասին հաղորդում է Sky Sports-ը:
Աղբյուրի համաձայն՝ 28-ամյա ֆուտբոլիստի ծառայություններով հետաքրքրված է «Քրիստալ Փելասը»: «Արծիվները» պլանավորում են գործարքն ավարտել այս ամռանը: 2024/2025 մրցաշրջանում Կալաբրիան վարձավճարով խաղացել է «Բոլոնիայի» կազմում:
Պաշտպանը մասնակցել է 27 խաղի, որոնցում խփել է մեկ գոլ և կատարել մեկ գոլային փոխանցում: Transfermarkt պորտալի փորձագետները ֆուտբոլիստի շուկայական արժեքը գնահատում են 4.5 միլիոն եվրո:
