Մատեո Ռետեգին կարող է լքել Եվրոպան Ինչպես հայտնում է իտալացի ինսայդեր Ջանլուկա Դի Մարցիոն, «Ալ Քադիսիան» պաշտոնական առաջարկ է արել «Ատալանտայի» ֆուտբոլիստ Մատեո Ռետեգիի համար՝ առաջարկելով 50-ից 60 միլիոն եվրո:
Չնայած արաբական ակումբի լուրջ հետաքրքրությանը, այս առաջարկը դեռևս չի գոհացնում Բերգամոն ներկայացնող ակումբին: Այնուամենայնիվ, «Ալ Քադիսիան» Ռետեգիին համարում է առաջնահերթ նպատակ և մտադիր է համոզել իտալական ակումբին վաճառել խաղացողին: Իր հերթին, «Ատալանտան» պետք է բոլոր պայմանները գնահատի նախքան բանակցելը:
Հիշեցնենք, որ ըստ transfermarkt հեղինակային պորտալի ֆուտբոլիստի տրանսֆերային արժեքը կազմում է 45 միլիոն եվրո:
