«Ռեալ Մադրիդը» դժգոհ է Ֆրանցիսկո Սոտոյի՝ տեխնիկական մրցավարական կոմիտեի ղեկավարի պաշտոնում նշանակվելուց։
Marca-ի տվյալներով՝ CTA-ի ղեկավարության փոփոխությունը «Ռեալ Մադրիդը» ընդունել է որոշակի մտահոգությամբ, քանի որ ակումբը Սոտոյի նշանակումը չի համարում իսպանական ֆուտբոլում մրցավարության նոր դարաշրջանի սկիզբ։
Մադրիդը կարծում է, որ «Նեգրեյրայի գործի» արձագանքները, որի գլխավոր զոհը նա է համարվում, շարունակում են գոյություն ունենալ, և որ անհրաժեշտ են ավելի խորը, այլ ոչ թե մակերեսային փոփոխություններ։
Անձամբ Սոտոն իր շնորհանդեսի ժամանակ անտեսել է լրագրողների հարցերը «Նեգրեյրայի գործի» վերաբերյալ՝ ասելով, որ ինքը չի ճանաչում Նեգրեյրային։ Բացի այդ, նոր ղեկավարը խոսեց «Ռեալ Մադրիդի» ակումբային հեռուստատեսության կողմից մրցավարների աշխատանքը քննադատող տեսանյութերի մասին. «Մենք պատրաստվում ենք թողնել անցյալի այս վեճերը։ Ապագան այլ կլինի, և ես վստահ եմ, որ այն ավելի լավ կլինի բոլորի համար», – ասել է Ֆրանցիսկո Սոտոն։
