«Գալաթասարայը» ցանկանում է ձեռք բերել «Ինտերի» 31-ամյա կիսապաշտպան Հաքան Չալհանօղլուին, սակայն պատրաստ չէ նրա համար վճարել 15 միլիոն եվրոյից ավելի։ Այս մասին հայտնել է լրագրող Օրացիո Ակոմանդոն X սոցիալական ցանցում։
Աղբյուրի փոխանցմամբ՝ «Ներաձուրիները» պահանջում են 40 միլիոն եվրո թուրք ֆուտբոլիստի համար։
Միաժամանակ, Չալհանօղլուի նկատմամբ հետաքրքրություն են ցուցաբերում «Մանչեսթեր Յունայթեդը» և «Ֆուլհեմը»։ Ակումբներն արդեն կապ են հաստատել կիսապաշտպանի գործակալի հետ։
Transfermarkt-ը ֆուտբոլիստի արժեքը գնահատում է 30 միլիոն եվրո։
