«Մանչեսթեր Յունայթեդը» «Ինտերից» տեղեկություններ է խնդրել թիմի կիսապաշտպան Դավիդե Ֆրատեսիի հետ պայմանագիր կնքելու հնարավոր գործարքի վերաբերյալ։ Այս մասին հայտնում է Caught Offside-ը։
Աղբյուրի համաձայն՝ «Ներաձուրիները» ներկայումս իջեցրել են Իտալիայի հավաքականի ֆուտբոլիստի համար պահանջվող գինը 50 միլիոն եվրոյից մինչև 35 միլիոն եվրո։
Ֆրատեսին դեռ որոշում չի կայացրել իր ապագայի վերաբերյալ։ «Մանչեսթեր Յունայթեդը» կարող է 25-ամյա կիսապաշտպանի համար մրցակցել «Թոթենհեմի», «Ատլետիկո Մադրիդի» և «Ռոմայի» հետ։
Անցյալ մրցաշրջանում Ֆրատեսին բոլոր մրցաշարերում անցկացրել է 47 խաղ՝ խփելով յոթ գոլ և կատարելով երկու գոլային փոխանցում։ Ֆուտբոլիստի ներկայիս պայմանագիրը ակումբի հետ ուժի մեջ է մինչև 2028 թվականի ամառը։
