«Մանչեսթեր Յունայթեդը» կարող է Ռասմուս Հյոլունդին փոխարինել մեկ այլ հարձակվողով։ Դանիացին կարող է տեղափոխվել իտալական Սերիա Ա՝ Անգլիայում անցկացրած երկու ոչ այնքան համոզիչ մրցաշրջաններից հետո։

Լրագրող Լորի Ուիթվելի խոսքով՝ Օլի Ուոթքինսը «կարմիր սատանաների» տեսադաշտում է։ «Ասթոն Վիլայի» հարձակվողի համար բանակցությունները կարող են սկսվել Հյոլունդի հեռանալուց հետո։

Transfermarkt-ի փորձագետները 29-ամյա անգլիացու արժեքը գնահատում են 40 միլիոն եվրո։ Անցյալ մրցաշրջանում խաղացողը Ունայ Էմերիի թիմի կազմում անցկացրած 54 խաղում խփել է 17 գոլ և կատարել 14 գոլային փոխանցում։