Ինսայդեր Ֆաբրիցիո Ռոմանոն մեկնաբանել է «Ինտերի» կողմից «Ռեալ Մադրիդի» հարձակվողական կիսապաշտպան Արդա Գյուլերի նկատմամբ հետաքրքրության մասին լուրերը:
20-ամյա ֆուտբոլիստը միշտ չէ, որ հայտնվում է «Լոս Բլանկոսի» հիմնական կազմում, այդ իսկ պատճառով մամուլը խոսում է նրա հնարավոր հեռանալու մասին:
«Նրա՝ «Ինտեր» տեղափոխվելու մասին լուրերը իրականության հետ որևէ կապ չունեն: Ակումբների միջև նրա վերաբերյալ երբեք բանակցություններ չեն եղել: Նույնիսկ ակնարկ չկա, որ նա կարող է տեղափոխվել Իտալիա», – ասել է Ռոմանոն:
Երկուշաբթի օրը «Ինտերը» դուրս մնաց ակումբային աշխարհի առաջնությունից 1/8 եզրափակչում՝ պարտվելով բրազիլական «Ֆլումինենսեին» (0:2): Երեքշաբթի օրը «Ռեալը» կխաղա «Յուվենտուսի» դեմ:
